‘A prima notti

 

         Lu maritu è prontu e risulutu,

si friga li mani ‘ranni e forti,

chiudi finnestri e porti

e ‘ntò cantu si metti sidutu.

 

         La mugghieri inveci s’affrunta,

uora puru idda s’avi a spugghiari

e nudda scusa poti chiù ‘nvintari,

perciò suspira e tutti ‘i minuti cunta.

 

         Li fimmini su’ avvirtuti, ‘u sannu:

‘a prima notti è scannamentu,

dulura e patimenti ‘i mugghieri hannu

e soffrunu commu ppi ‘nu ferimentu.

 

         La picciotta chistu si ricurdava

e vidennu a so’ maritu preparatu,

commu a ‘na fogghia trimava

e lu cori aveva troppu agitatu.

 

 

         Infatti iddu, intra a li brachi,

aveva un paramentu longu e tisu,

prontu e lestu ppi si luvari ‘ddu pisu,

puru si’ dà ‘rristava a sciogghiri spachi.

 

         Ma cu’ parla moddu moddu

a’ fini poi ‘mprena duru duru

e non è veru chi no’ sapi nuddu,

picca ci manca m’u scrivunu muru muru.

 

         Ppi ‘dda vota però, gentili e amurusu,

maritu di belli spiranzi, pariri vuleva;

ma era puru picciottu e curiusu,

mai prima l’aveva fattu e l’ura non videva.

 

         E ppi non essiri assai fucusu,

sulu ‘mmenzu a lu lettu si mitteva

e aspittava calmu e pacinzusu,

ma friddu sudava e cauddu sinteva.

 

         Ma ppi ‘ddu Diu e ppi tutti i santi,

propria accossì non si vadi avanti;

finalmente a ‘ddu puntu lu caperu

e dritti dritti a lu lettu curreru.

 

         Così, senza aspittari chiù troppu,

si prepararu ppi lu galoppu:

lu beddu matrimoniali scunsaru,

e ‘dda prima notti ‘ncuminsaru.

 

         Appena ‘i mutanni iddu si calò,

chiù sturciuta ancora idda ‘rristò,

a faccia all’arìu supra o’ lettu cascò,

senza capiri chi caulu ci pigghiò.

 

         Truvannusi davanti a un omu nudu,

p’ ’a prima vota visti ‘dda cosa

e parennuci un cudduruni crudu

ferma si misi e non canciò chiù posa.

 

         Gira e rigira, stari fermu non puteva,

lu sangu ‘ntà li vini ci bugghieva,

lu cori a milli ci batteva

e ca’ testa chiù non ci àrriggeva.

 

         E mentri idda ‘a stanza assistimava,

lu picciottu a commu fari pinsava,

pirchì si’ la mugghieri si scantava,

lu maritu ppi nenti propria schirzava.

 

         ‘A vuluntà però c’era e non mancava,

ma lu mischinu puru cunfusu si truvava

e ppi fari passari ‘dda strana nuttata,

quasi quasi si faceva ‘na bella cantata.

 

         Un’ura, du’ uri e non succedeva nenti,

passava ‘u tempu, ma nuddu scrusciu si senti;

mancu ‘na sirinata d’ ‘amici e parenti

ch’ormai e’ casi eranu filici e cuntenti.

 

         Ppi ‘ddu Diu e ppi tutt ‘i santi,

propria accossì non si vadi avanti;

li giovani finalmenti lu caperu

e dritti dritti a lu lettu curreru.

 

         Subitu, senza aspittari chiù troppu,

si prepararu ppi lu santu galoppu:

lu beddu matrimoniali scunsaru,

così ‘dda prima notti ‘ncuminciaru.

 

         Ma appena ‘i mutanni iddu si calò,

chiù sturciuta ancora idda ‘rristò:

a faccia all’arìu supra o’ lettu cascò,

senza capiri chi caulu ci pigghiò.

 

         Truvannusi davanti a un ‘omu nudu,

p’ ‘a prima vota visti ‘dda cosa

e parennuci un cudduruni crudu

ferma si misi e non canciò chiù posa.

 

 

         E si scantò puru ‘a povira figghia,

pirchì ‘dda cosa curta e pinnenti

divintò subitu longa ed imponenti,

sula si movi ma sempri ppi supra pigghia.

 

         Veramenti poi foru cosi di lussu:

‘na botta e lu linzolu fu subbitu russu;

carchi duluri ‘a spusa però l’ebbi e suffrìu,

ma chiossà fu ‘u piaciri puru si prestu finiu.

 

         ‘A sira appressu ‘n’aspittaru tantu,

‘u maritu ormai non aveva scantu

e idda lu ‘ncuraggiava: “Fudda maritu miu

chi poi ringraziamu a patri, matri e ziu”.

 

-----------------------

 

         Brutta cosa è perciò l’ignoranza,

si’ un fattu naturali pari mancanza;

e allura viva scola, dialigu e tolleranza:

basta pinsari sulu a sacchetti e panza!

 

P’ ‘ restu poi si sapi: cu’ futti futti

Diu pirduna e pirduna sempri a tutti.

 

 

Ferrara, Maggio 1996