Poesiole dialettali
Or serie ora scherzose

Torna alla pagina di
Francesco Lazzara

Home
E.mail

VOLA PINSERU

     Questa prima poesiola, d'introduzione alle altre, vuole soltanto esortare il Pensiero, sintesi sublime d'Anima e Intelletto, a superare ogni esitazione cantando, al di là di mercedi o condizionamenti, i più nobili sentimenti e le virtù più alte dell'animo umano.                

O lìmpiu Pinseru spirlucenti,
puru com'acqua pura virginali,
çiatatu çiatu di l'Onniputenti
di Viritati, tu, foci e surgenti, 

com'aquila sullèviti a vulari,
tinennuti luntanu d'ogni mali;
vola, non ti curari di vardàri
lu vermu chi natura fa striçiari! 

Non fari 'a limpidizza ntrubulari
circannu paruleddi speciali;
di l'omu la Virtuti ha' cilibrari
sprizzannu la mircèdi e li dinari! 

Ma, timideddu, tu non' vo' vulari
cridennu senz'abbrivu li to' ali!
Va', Pinseru va', non muddiari
e nta l'azzurru mèttiti a cantari!